-- ADVERTISEMENT --
KALIBO, Aklan–Kapin sa waeong milyong katawo ro nagbakwit sa mga evacuation center halin sa Kyushu Island matapos ro pagpanaeasa it bagyong Nanmadol sa Japan.
Suno kay Bombo International Correspondent Myles Beltran nga gin-abisuhan eon ni Prime Minister Fumio Kishida ro mga residente nga maeapit sa coastal area nga magbakwit eon samtang may oras pa.
Ginasugid nga raya ro sambilog sa pinakamabaskog nga bagyo nga tumama sa Japan matapos ro pilang dekada.
Daea it bagyo ro masyadong mabaskog nga uean ag hangin nga nagtuga it mga pagbaha ag landslide.
Nakaangkon eon man suno kana it pagkansela sa biyahe it mga saeakyan ag paeuparan.
-- ADVERTISEMENT --
Ro Nanmadol ro ika-14 nga bagyong tumama sa Japan makaron nga dag-on.
