KALIBO, Aklan—Maabu nga mga pumueoyo sa pilang estado it Amerika ro naka-eksperyensya it grabeng epekto it pagpanaeasa it winter storm ukon blizzard.
Suno kay Bombo International Correspondent Greg Aguilar it California, USA nga ro pinaka-grabeng nahalitan it winter storm hay ro estado it Massachusetts matapos nga umabot sa 30 inches ro kadamoe it snow.
Bangud kara, hugut sigon nga ginbawae it gobyerno ro pagbyahe it mga residente kamana man nga ginsarado eon ro mga karsada.
Haeos 81,000 sigon nga mga pumueoyo ro nawad-an it suplay it kuryente.
Pila pa sa mga estado nga gindaeasa it madamoe nga yelo hay ro New York, New jersey, New Hampshire, Connecticut, Maine, Vermont ag Maryland.
Samtang, nakaangkon man it grabeng eksperyensya ro Boston kapareho it natabo nga massive blizzard ko 1978.
Ginpahayag pa ni Aguilar nga masobra 3,500 flights eon ro nakansela umpisa ko Sabado ag ginaeauman nga madugangan pa sa masunod nga adlaw kung siin maabu nga mga pasahero ro stranded sa mga paeuparan.
