Kapin sa napueong  katawo ro nahalitan matapos nga maigpit sa sueod it tren sa tunga it wildfire sa Valencia, Espanya

KALIBO, Aklan—Kapin sa napueong  katawo ro nahalitan kung siin tatlo ro una sa kritikal nga kondisyon matapos nga maigpit sa sueod it tren samtang may nagakatabo nga wildfire sa nabukid nga porsyon it Valencia sa Espanya.

Suno kay Bombo International Correspondent Maria Edzel Lamparero Lopez halin sa siyudad it Valencia ro tren ag maga-paadto kunta it Zaragoza kat matabo ro insidente.

Insigida sigon nga gin-impormahan it mga pasahero ro babayeng driver matapos mataeopangdan ro wildfire.

Makataliwan sigon ro pilang minuto hay nagsueod eon sa tren ro asu ag batyag eon it mga pasahero ro init.

Bangud kara, owa nalikawan it mga pasahero nga magpanic kung siin kaabuan kanda hay nagdisider eon nga gub-on ro bintana.