KALIBO, Aklan — Nakumpiska ro linibong mga kwarta ag pekeng mga alahas it mga otoridad ag munisipyo it Kalibo sa gin patigayun nga operasyon kontra sa mga Badjao.
Tinotuyo konta it operasyon nga bitbiton ro mga Badjao nga pakalat-kalat apang, eubus nga gin kakibot it mga otoridad kat bumalandra kanda ro mabahoe nga haega it kwarta nga naga balor it 176,000 pesos, mga remittance receipts ag pekeng mga alahas.
Suno sa mga Badjao nga ro mga kwarta hay andang natipon maghalin sa pagpakalimos ag pagbaligya it alahas.
Samtang, ro iba sigon sa mga kwarta hay padaea it andang mga paryenti sa Mindanao.
Sa makaron hay gina paidaeum eon sa imbestigasyon ro mga Badjao bangud sa posibling may kaangtanan sigon ro mga raya sa sindikatong grupo.
Nasayuran nga may lider ro mga raya kun sa siin raya man ro naga buyot it kwarta nga andang natipon.
