KALIBO, Aklan–Nagtaas eon man ro presyo it itlog it manok it salapi hasta daywang piso sa mga baealigyaan sa kalibo public market.
Raya ro ginpahayag ni Jade Virao, sangka negosyante it itlog sa tindahan.
Pila sa mga ginaturo nga rason it andang supplier hay ro pagkalugi it mga egg producer nga kaeabanan nga halin sa aklan ag capiz rason nga nagbawas it produksyon samtang ro iba hay nagpundo sa pagbaligya ag pag alaga it manok.
Kamana man nga nagmahae ro gastos partikular ro sabod ag ro pagsaka it presyo it petrolyo sa pag-transport sa mga produkto.
Mag-eowas pa kara ro pagpanaeasa it bird flu sa pilang probinsiya sa western visayas.
Suno kay Virao nga halin sa dating P7.50 piso kada sambilog nga small nga itlog hay naging waeong piso makaron samtang ro medium hay mabakae eon sa P8.50 pesos, ro large hay 9 pesos ag ro jumbo hay 10 to 11 pesos halin sa dating P8 pesos eamang.
Samtang, naeubtan man sigon it pila sa andang mga customer ro gulping pagsaka it presyo.
Nagapabilin man nga bastante ro supply it itlog sa probinsiya base sa abiso it andang mga supplier.
