Nag-anunsyo it kapin sa P3.50 nga oil price rollback sa kada litro it diesel ro Petro Gazz gasoline station sa bilog nga nasyon.
Suno kay Jebel Gonzales, OIC it Petro Gazz gasoline station iya sa banwa it Kalibo, ro nasambit nga tikang it kompanya hay makabig nga promo para sa mga drivers ag operators nga nagagmit it diesel.
Bangud sa sigidas nga pagtinaas it produktong petrolyo, ginataw-an nanda it hugada ro mga drivers nga maka-less it maskin pilang piso ag raya hay makabig man nga ayuda para kanda.
Ro nasambit nga promo hay magabuhay hasta sa adlaw it sabado.
Angot kara, nagpanawagan si Gonzales sa mga nagagamit it diesel nga bukas ro andang gasoline station para ginpabarato nga presyo it nasambit nga produkto it petrolyo.
Nasayuran nga haeos nagaaray eon ro mga driver/operators bangud sa sangkiri nga kita sa kada adlaw kasunod eon man sa haeos katunga kara hay naaadto sa pagpatayon it produktong petrolyo
