KALIBO, Aklan — Ginaeauman nga maga-abot sa 964, 537 nga mga learners ro magapa-enroll sa mga public schools sa Hunyo 1 hasta 5, 2026 para sa school year 2026-2027.
Suno kay Mr. Hernani Escullar Jr. Regional Information Officer it Department of Education (DepEd 6), nagaeaum sanda nga maeampasan it nasambit nga numero ro gintaeana para sa masunod nga school year.
Base sa bag-o nga school calendar, ukon ro three-term school calendar, dungan nga pagapatigayunon ro enrollment sa Brigade Eskwela sa Enero 1 hasta 5.
Magabutang man it Brigada Eskwela Desk, para insigida nga masabat ag masulosyunan ro pangutana it mga ginikanan kapareho it mga concern it mga inunga sa uman nga pagbalik sa eskwelahan.
Ginlaygay man ni Escullar sa mga ginikanan nga ibhan ro andang mga inunga sa pagpa-enroll.
Base sa datos it DepEd 6, naga-abot sa 1,073,079 nga learners ro magapa-enroll sa public ag private schools sa bilog nga rehiyon sa waeo tanan nga division.
Sa bag-o nga three-term school calendar, maga-umpisa ro klase sa Hunyo 15, 2026 hasta sa Abril 8, 2027.
