SEBASTE, Antique – May progreso ag mga witness eun ro kapulisan nga pagpamaril sa Punong Barangay ag barangay tanod sa Brgy. P. Javier, Sebaste, Antique ku Hulyo 16, alas-11:40 it gabei samtang raya hay nagahimo it selebrasyon sa anang kaadlawan ag graduation ku anang unga.
Pahayag ni P/Capt. Harry Jhun Amar ro Officer in Charge Chief of Police it Sebaste Municipal Police Station nga may daywang suspek eun man sanda nga ginakabig apang indi pa nanda pangaeanan ag nahueat pa nanda magsurrender raya kahapon nga adlaw.
Ginkilaea ro mga biktima nga si Bernabe Rose Antonio, 63- anyos ag ro tanod nga si Joseboy Obrique Castro, 44-anyos nga binaril gamit ro shotgun.
Suno kay Amar nga tinamaan ro kapitan ag barangay tanod ag natumba, gin-eagas pa ku unga it kapitan ro mga suspek apang sanda hay ginpa-eukpan man.
Nagpa-aeagyo ro mga ginapatihan nga magmanghod nga suspek sa nabukid nga bahin it lugar ngani nakikipag-angot eun ro Sebaste MPS sa kaeapit nga police station.
Nag-agom it lastro sa may waea nga kilay ro tanod nga dumiretso sa kapitan sa ibabaw man it anang waea nga kilay.
Sa andang imbestigasyon hay uwa man it makita nga motibo sa pagpamaril mag-euwas sa mabuhay nga dumot sa pamilya.
Paathag ni Amar nga may pending nga kaso ro sangka suspek nga nagbaril kay Castro ku 2022 ag ro sa sambilog man nga ginakabig nga hay ay Antonio nga ginpasakaan it kaso nga grave threats and alarm scandal.
Dugang nga basi ro tanod eamang ro pagabarilon kunta ag nadamay eamang ro kapitan.
Magapangatubang ro mga suspek it frustrated murder ag attempted murder.
Sa makaron, stable eun ro sitwasyon it tanod apang patay gid ro kapitan.
