KALIBO, Aklan—Ginsaysay ni Archie Hilario ukon mas kilaea makaron sa tawag nga kapobreng vlogger nga mag-eowas sa pagiging radio reporter hay handum man nana ko una nga maging dramatista.
Unga pa eamang suno kana sa andang lugar sa Mindoro hay paborito nana ro magpamati sa mga drama it Bombo Radyo.
Agud nga mapamatud-an ro anang pagkahilig sa mga drama it Bombo hay nagpa-sampol pa raya sa programang Bombohanay Bigtime.
Sa pihak nga parte, ginpahayag pa ni Hilario bangud sa anang pagkahilig sa vlogging hay owa nana ginaeauman nga dikara imaw eubus nga magasikat ag kumita it husto.
Pila sa anang content sa anang vlog hay ro operation bulig.
Kaparte sigon it anang ginakita hay gina-share man nana sa mga pumueuyu nga nagakinahangean it bulig kaibahan ro anang mga tagasuporta nga may kapareho kanda nga kawsa.
Kaibahan kara ro pagpatindog it mga disenteng baeay, bulig medikal ag iba pa.
Sa makaron hay may ana eon nga 534,000 nga followers sa anang YouTube channel.
