KALIBO, Aklan—Ginpaathag it Aklan Police Provincial Office ukon APPO nga nakakaeusot ro mga naga-eapta nga pekeng kwarta sa Aklan bangud nga medyo bukon raya it eapnaag ag bag-o sa mga pumueoyo sa probinsiya.
Ginpaabot ni PSSgt. Jane Vega, tagapaghambae it Aklan PPO nga magkooperar eamang ro komunidad eabi eon ro mga establisyimento kun sa siin ro iba kara hay may una nga tester para sa madali nga pagtumod it fake money.
Aminado man si PSSgt. Vega nga maskin imaw hay naga-test man it kwarta bangud may pila pa nga pamaagi para masayuran raya.
Base man sa record it Aklan PPO nga maeaka sigon ro kaso it fake money makaron sa probinsiya apang owa nanda ginaduea ro posibilidad nga makaangkon eon man it panibag-ong kaso bangud nga abo ro naga’adto iya halin sa ibang lugar para mag’ubra it pangloko.
Kadungan kara ro paandam sa nagahimo it kaeainan bangud nga uwa sigon nagapundo ro otoridad sa pagtugis kanda.
