Nag-arangkada eon ro mga aktibidad sa week-long celebration it kaugalingon man nga bersyon it kapyestahan ni Sr. Sto. Niño de Ibajay.
Suno kay PCapt. Machon Sabado, OIC chief of Police it Ibajay Municipal Police Station nga gin-umpisahan ro okasyon sa ginpatigayon nga opening salvo ag mapig-od nga programa nga ginhiwat sa gymnasium it banwa.
Ginaekspektar sigon nga may pila ka mga performers maghalin sa Metro Manila sa mga nakataeana nga kasadyahan sa kaugalingon man nga bersyon it Ati-Atihan Festival 2023.
Kaparehas sa banwa it Kalibo hay may sadsad sa kalye nga igapatigayon ag ro ginabantayan it tanan nga float parade sa highlights mismo it selebrasyon sa adlaw it Dominggo.
Base sa schedule of activities it simbahang katolika, pagapangunan ni Bishop Jose Corazon Talaoc it Diocese of Kalibo ro pilgrim’s mass nga ginadagsa man it mga deboto ni Sr. Sto. Niño de Ibajay.
Angot kara, nakaplastar eon ro security measures it pulisya para maangkon ro malinong ag matawhay nga festival.
