Gindayaw it mga expectators ro performance ni Karl Eldrew Yulo sa qualifiers ko Huwebes sa Croatia, kun sa siin nagpangaywa imaw sa likod it American gymnast nga si Kameron Nelson nga nakabo-oe it 14.300 puntos.
Pinaagi kara, uman nga nakaangkon it kahigayunan ro batang Pilipino nga makipag-agawan para sa medalya sa prestihiyosong torneo.
Bukon it raya ro unang kahigayunan nga nakasueod si Yulo sa finals it World Cup series, bangud nga nakaabot eon man imaw sa ulihing parte sa Baku, Antalya, ag Cairo.
Sa mga nagtaliwan nga leg, naka-uli imaw it bueawan nga medalya sa Turkiye ag silver sa Egypt, pamatuod it anang padayun nga pag-saka sa international gymnastics.
Nakataeana nga pagahiwaton ro qualifying rounds para sa iba pang apparatuses makaron nga adlaw, kun sa siin ginaeauman nga uman nga magasabak si Yulo para sa dugang nga tsansa sa podium finish.
Si Karl Eldrew hay igmanghud it Olympic double gold medalist nga si Carlos Yulo.
