KALIBO, Aklan—Temporaryong gintambakan it baeas ro nauna eun nga naging kontrobersiyal nga karsadahon sa Barangay Bacan, Banga.
Raya hay matapos nga ginbuho- buhoan it constructor ro daywang ka mga linya it karsada nga naging delikado man para sa nagabyaheng saeakyan.
Samtang, ginpahayag ni Engr. Edilson Magalit it Provincial Engineering Office (PEO) Aklan nga ginpatawag eun nanda ro mga natungdan nga naga-asses sa project agud mataw-an pa it dugang nga aksyon ro ginpaabot nga problema sa andang taeatapan.
Aminado man imaw nga saea ro ginhimo it contractor matapos gub-on ro tanan nga linya it karsada.
Apang ro pagbuho sigon it karsada hay preparasyon man nanda agud raya hay ma-umpisahan eun nga maayos.
Samtang, nagpangayo man raya it pasaylo sa mga byaherong naga-agi sa lugar.
