KALIBO, Aklan—Ginkalipay it Kalibo Sto. Nino Ati-atihan Management Council Incorporated (Kasamaco) ro nangin resulta it committee hearing sa Sangguniang Bayan (SB) may kaangtan sa nagahilapit nga Kalibo Santo Niño Ati-atihan Festival 2020.
Suno kay Kasamaco Chairman Apol Zaraspe, sangkiri eamang ro dokumento nga kinahang-ean ayuson it andang taeatapan agud maging accredited sanda bilang organizer it nasambit nga selebrasyon.
Raya man hay kasunod it ginpaguwa nga memorandum it Department of the Interior and Local Government Unit (DILG) nga dapat maging accredited it banwa ro mga Non-Government Offices (NGO’s), CSO ag people’s organization para magdumaea it event.
Suno pa kay Zaraspe, pilang ka mga pirma ag dokumento eon lang ro andang kinahang-ean nga ayuson para maangkon ro approval para sa ginapangayo nga accreditation.
Ginpabutyag dugang nga maacredit man ukon indi magapadayun ro andang pagbuyot bilang active partner sa nasambit nga selebrasyon.
