KALIBO, Aklan—Ginkumpirma ni Engr. Jessie Figarido, head it Municipal Economic Enterprise Development Office ukon (MEEDO)-Kalibo nga sa maabot nga Pebrero 29 hay makikipagpueong ro Kalibo Sto. Nino Ati-atihan Management Council Incorporated ukon Kasamaco kay Mayor Emerson Lachica, apang owa pa imaw nakasayod kon ano ro agenda.
Suno kana nga maskin sanda hay owa nakasayud kon imbitado sa nasambit nga pueong.
Gindugang pa ni Engr. Figarido nga hasta sa makaron hay blangko pa sanda kon hin-uno magapaguwa it financial report ro nasambit nga event organizer sa selebrasyon it Ati-Atihan Festival 2020.
Ro Kasamaco hay required nga magsumite it financial report sa sueod it 60 diyas pagkatapos it festival nga nagtapos ko Enero 19 ukon hasta sa Abril sa Sangguniang Bayan.
Ro report suno kana hay paga-eakipan it mga festival activities ag iba pang operasyon it kasamaco.
Ginpahayag pa ni Engr. figarido nga nakabaehag sa memorandum of agreement ro sharing it LGU-kalibo ag ko kasamaco.
