Ginreport it National Disaster Risk Reduction and Management Council (NDRRMC) nga humampak eun sa magsobra P15.2 million ro haega it kasamaran nga inaywan it pilang adlaw nga pagdaeasa it bagyong Kristine sa sektor it imprastraktura.
Kaabuan sa lugar nga nag-agom it grabeng kasamaran hay Bicol region nga una sa P15 million.
Sa datos it ahensiya, una sa 13 katawo ro nailista nga namatay sa pihak it 11 nga nailista sa Bicol region ag tig-1 man sa Central Luzon ag CALABARZON.
Ro casualty sa CALABARZON hay nakumpirma nga namatay matapos mahueog sa canal sa San Andres, Quezon ku Martes.
May una man nga 7 indibidwal ro nailista nga naduea ag 5 ro ninahan bangud sa bagyo.
Sa datos man it NDRRMC, una sa sobra 2.6 million indibidwal o katumbas it sobra 500,000 ro apektado it pagdaeasa it bagyo.
Sa presente, gindeklara eun ro state of calamity sa Tagkawayan, Quezon, sa bilog nga probinsiya it Albay; Bulan, Sorsogon; Magpet, Cotabato; Cavite ag sa Quezon city.
