KALIBO, Aklan–Naging madinaeag-on ro ginpatigayun nga beauty pageant it Kasandiwa Organization sa Paris.
Suno kay Bombo International Correspondent Maria Edzel Lamparero Lopez it Madrid, Spain nga sambilog imaw sa nagpasakop sa kompetisyon para suportahan ro katuyuan it organisasyon partikula ro makatipon it pondo.
Pila sa mga nadag-an kara nga award hay ro Miss Body Beautiful ag Miss Telegenic.
Ginpasakupan man it mga Pinoy halin sa nagkaeain-eain nga lugar ro event.
Ro Kasandiwa Organization hay gintukod ko 1981 nga nagabulig sa mga Filipino immigrant.
Apisar nga ro tuyo it pageant nga makatipon it pondo para sa andang operasyon, gintinguhaan gihapon nanda nga magtao it cash prize sa mga nagdaog kung siin nagbaton it 1,000 euro ro grand winner.
