Nagtaas ro kasayuran it publiko angot sa generic medicines sa nagtaliwan nga dag-on.
Ginpahayag ni Department of Health (DOH) Officer-in-Charge (OIC) Maria Rosario Vergeire nga ro market share it originator drugs ukon mga branded hay kapin sa 42% samtang kapin sa 56% ro branded generics ag 6% para sa unbranded generics.
Suno kay Vergeire, nagapamatuod ro datos nga nagtaas eon ro kasayuran it publiko sa mga generic drugs.
Raya hay mabahoe nga pagbag-o umpisa nga maging laye ro Generics Act of 1988 kun sa siin 10% eamang ro nakasakdag it generics.
Sa pihak kara, dapat magpadayun pa sigon ro pag-engganyo sa publiko nga pareho eamang nga eowas ag epektibo ro mga generics ag branded counterparts kara.
Ginpadumdum man ni Anti-Red Tape Officer-in-Charge Ernesto Perez ro publiko nga dapat nakabutang man sa mga reseta it doktor ro generic names it bueong agud nga makabulig kanda nga mag-usoy it mas baratong options para kara.
Nasayuran nga sa unang parte it dag-on hay nakaangkon it kakueangan sa pilang brand it bueong nga ginagamit kada may eagnat, ubo ag sip-on nga imaw ro mga nagapangunang sintomas it flu ukon COVID-19.
