KALIBO, Aklan—Amat-amat eun nga naga-naba ro mga nailsitang kaso it Coronavirus Disease 2019 ukon COVID-19 sa Sydney, Australia.
Suno kay Bombo International Correspondent Denmark Suede nga umpisa ko mga nagtaliwan nga dominggo hay nakakalista eun lang sanda it haeos sang libong ka mga kaso it COVID-19.
Kaabuan man sigon sa andang mga nailista nga kaso hay delta variant.
Sa pihak kara, ginpahayag ni Suede nga sigidas sa gihapon ro nagakatabong hub-eag protesta sa pilang ka mga estado it Australia.
Ko nagtaliwan nga adlaw hay nagtipon-tipon ro mga protesters sa Victoria sa siyudad it melbourne kun sa siin ginatos ro natigayon nga maaresto.
Tuyo sigon it mga protesters nga punduhon ro pagpatuman it mga lockdowns ag ro ginahimo nga pagbakuna kontra COVID-19.
