-- ADVERTISEMENT --
KALIBO, Aklan—Sumaka eon sa 386 ro kabilugang kaso it Coronavirus Disease 2019 ukon COVID-19 sa probinsya it Aklan.
Raya hay matapos nga madugangan it ap-at nga panibag-ong kaso kahapon nga adlaw it Lunes, Disyembre 21.
Ginakaeakipan raya it sangka 28-anyos nga eaeaking taga banwa it Malay; daywang ka mga babayeng taga banwa it Kalibo nga may edad 26 ag 33-anyos kamana man sangka 51-anyos nga babayeng residente it Numancia kung siin parehong ginkabig nga local case.
-- ADVERTISEMENT --
Kaangot kara, nadugangan man it 18 ro naka-recover sa deadly virus rason nga naga-abot eon sa 339 ro total recoveries.
Sa makaron hay 35 pa ro nga aktibong kaso ag naka-facility quarantined samtang nagapabilin nga 12 ro namatay.
