KALIBO, Aklan—Nagsaka pa sa kabilugang 592 ro kaso it coronavirus disease ukon Covid-19 sa probinsya it Aklan.
Raya hay matapos nga nadugangan it siyam ro nailistang datos it Provincial Epidemiology Surveillance Unit it Aklan Provincial Health Office.
Sa nasambit nga numero, tatlo kara ro halin sa banwa it Kalibo; tatlo man sa Numancia; daywa sa Banga ag sambilog sa banwa it Malay.
Mag-eowas kara, nadugangan man it tatlo ro mga nagmayad matapos nga tamaan it deadly virus rason nga nagaabot eon makaron sa 492 ro total recoveries.
Samtang, kapin pa sa 80 ro aktibong kaso it Covid-19 sa Aklan nga ginakaeakipan it 79 nga presenteng una sa facility quarantine ag sambilog ro naka-admit makaron sa hospital.
Nagapabilin man sa 20 ro mga namatay bangud sa nasambit nga masakit.
