KALIBO, Aklan—Humampak pa sa kabilugan nga 5,233 ro tinamaan it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa pinakaulihing datus nga ginpagguwa it Provincial Health Office, nakalista sanda it 78 nga bag-ong nagpositibo sa deadly virus.
Sa nasambit nga numero, tig-18 nga kaso ro maghalin sa banwa it Kalibo ag New Washington, napueo sa Nabas, siyam sa Lezo, tig-an-om sa Buruanga ag Malinao, lima sa Malay, tatlo sa Ibajay, daywa sa Numancia ag sambilog sa Tangalan.
Sa pihak kara, 94 man ro nadugang sa listahan it mga nagmayad rason nga sumaka eon sa 4,253 ro total recoveries.//Samtang, may sambilog man nga nadugang sa numero it mga namatay rason nga nag-abot eon sa 114 ro death toll it probinsya.
Sa makaron, 866 pa ro nabilin nga aktibong kaso kun sin 719 ro naka-facility quarantine, 78 ro naka-home quarantine ag 69 ro admitted sa COVID ward it Aklan Provincial Hospital.
