KALIBO, Aklan—Humampak eon sa 9,652 ro kabilugan nga kaso it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa pinakaulihing datus nga ginpagguwa it Aklan Provincial Epidemiology and Surveillance Unit kahapon, Agosto 8, halin sa 333 ka mga specimen samples nga nagpaidaeom sa swab testing, 121 sa mga raya ro nagpositibo samtang 212 ro nag-negatibo sa virus.
Sa pihak kara, padayun sa gihapon ro pag-engganyo it mga health authorities sa publiko nga magsunod sa ginapatuman nga minimum health protocosl agud nga malikawan ro pagkalhit it COVID-19.
Madumduman nga ginpaidaeom sa Modified Enhanced Community Quarantine (MECQ) ro probinsya umpisa Agosto 1 hasta 15 matapos nga makalista it pagtaas sa kaso it deadly virus.
