KALIBO, Aklan—Humampak eon sa kabilugang 1,519 ro kumpirmadong kaso it Covid-19 sa probinsya it Aklan.
Raya hay matapos nga madugangan it daywang panibag-ong kaso nga maghalin sa banwa it New Washington ag Batan.
Samtang, nagsaka man sa kabilugang 1,338 ro mga nagmayad halin sa nasambit nga deadly virus.
Raya hay kasunod it pagmayad it mga pasyente nga ginakaeakipan it tatlo maghalin sa banwa it Makato ag tig-sambilog sa banwa it Kalibo ag Banga.
Sa makaron, may 144 pang aktibong kaso nga ginamonitor it Provincial Health Office nga base sa datos it Aklan Provincial Epidemiology Surveillance Unit hay 129 kara ro presenteng una sa facility quarantine ag 15 ro naka-admit sa provincial hospital.
Samtang, nagapabilin sa 37 ro numero it mga namatay sa probinsya bangud sa nasambit nga pandemya.
