KALIBO, Aklan–Lomobo pa sa kabilugang 4,417 ro nailistang kaso it Covid-19 sa bilog nga probinsya it Aklan.
Raya hay matapos nga nakalista it 86 nga panibag-ong kaso it deadly virus sa Aklan nga ginakaeakipan it 19 halin sa banwa it Nabas; 17 sa Malay; 13 sa Kalibo; 12 sa Tangalan; 7 sa Malinao; 5 sa Numancia; 4 sa Ibajay; 3 sa New Washington; tig-daywa sa Makato ag Altavas ag tig-sambilog maghalin sa banwa it Balete ag Banga.
Sa pihak kara, humampak man sa kabilugang 3,567 ro mga nagmayad halin sa nasambit nga masakit bangud sa 99 nga panibag-ong nailista nga nakarekober eon matapos ro pagbueong.
Sa makaron, kapin pa sa 746 ro mga aktibong kaso it sakit nga ginakaeakipan it 660 nga naka-facility quarantine, 13 nga naka-home quarantine ag 73 ro admitted.
Samtang, 104 eon ro total deaths sa Aklan halin kat nag-eopok ro pandemya.
