KALIBO, Aklan—Kapin sa 140 eon man ro nadugang sa listahan it mga nagpositibo sa covid-19 sa bilog nga probinsya it Aklan.
Ro nasambit nga numero hay halin sa 339 nga mga swab samples nga gintest.
Sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health , raya hay ginakaeakipan it 44 sa banwa it Kalibo; 40 sa Malay; 31 sa Numancia; napueo sa Tangalan; tatlo sa Banga; tig-daywa sa banwa it Makato, New Washington, Malinao, Libacao, ag tig-sambilog maghalin sa banwa it Lezo, Madalag, Batan, ag Altavas.
Bangud kara, nagsaka eon sa kabilugang 10,067 ro kaso it deadly virus sa Aklan.
Sa pihak kara, nagaabot eon man sa kabilugang 1,409 ro nagmayad kasunod it 126 nga naka-rekober sa nasambit nga masakit.
Samtang, nadugangan it sambilog ro binawian it hueam nga kinabuhi rason nga humampak eon man sa 242 ro mga namatay bangud sa pandemya.//
