KALIBO, Aklan—Mas pang naglobo sa kabilugang 4,713 ro kaso it coronavirus disease ukon covid-19 sa bilog nga probinsya it Aklan.
Raya hay bangud sa panibag-ong 80 nga nagpositibo sa deadly virus.
Base sa ginpaguwa nga pinakaulihing datos it Aklan Provincial Epidemiology Surveillance Unit it Provincial Health Office, raya hay ginakaeakipan it 17 maghalin sa Altavas; 14 sa New Washington; 13 sa Ibajay; tig an-om maghalin sa banwa it Banga, Buruanga ag Kalibo; 5 sa Balete; tig-tatlo maghalin sa munisipalidad it Batan, Lezo ag Malay ag daywa maghalin sa Malinao.
Sa pihak kara, nadugangan man it 56 ro nagmayad halin sa masakit rason nga nagaabot eon sa 3,811 ro total recoveries.
Sa makaron, nagtaas pa sa 793 ro aktibong kaso it covid-19 nga ginakaeakipan it 709 nga una sa Facility Quarantine, 13 nga naka-Home Quarantine ag 71 ro Admitted.
Samtang, kapin eon sa 109 ro total deaths bangud sa tatlong panibag-ong nagmayad.
