KALIBO, Aklan—Nadugangan it 12 nga panibag-ong kaso it Covid-19 sa probinsya it Aklan.
Sa pinakaulihing datos nga ginpaguwa it Provincial Epidemiology Surveillance Unit it Aklan Provincial Health Office, sa nasambit nga numero, ap-at kara ro taga banwa it Kalibo, pito ro naghalin sa Banga ag sambilog nga taga-Numancia.
Bangud kara, nagsaka eon sa kabilugang 559 ro kaso it deadly virus sa Aklan.
Sa nasambit nga datos, 72 ro aktibong kaso nga ginakaeakipan it 67 nga una sa facility quarantine, ap-at nga admitted sa ospital ag sambilog ro naka-home quarantine.
Samtang, nadugangan man it an-om ka mga indibidwal ro naka-rekober halin sa sakit rason nga nagsaka eon man sa 468 ro total recoveries samtang, nagapabilin sa 19 ro numero it mga namatay bangud sa nasambit nga sakit.
