KALIBO, Aklan—Nadugangan it 15 ro numero it mga nagkasakit it COVID-19 sa probinsya it Aklan.
Base sa pinakaulihing datos maghalin sa Aklan Provincial Epidemiology Surveillance Unit it Provincial Health Office, raya hay ginakaeakipan it an-om nga taga banwa it Kalibo, daywa ro maghalin sa Libacao, 2 ro taga-Makato, tatlo sa Numancia, ag tig-sambilog maghalin sa banwa it Nabas ag New Washington.
Bangud kara, nagaabot eon sa kabilugang 701 ro mga tinamaan it deadly virus sa probinsya.
Samtang, nadugangan man it ap-at ro total recoveries nga ginakaeakipan it daywa ro taga-Kalibo ag tig-sambilog maghalin sa banwa it New Washington ag Buruanga.
Kaangot kara, nagaabot eon man sa makaron sa 602 ro mga nagmayad halin sa pag-angkon it mga raya it Covid-19.
Sa makaron hay nagsaka pa sa 76 ro mga aktibong kaso it covid-19 sa Aklan.
Raya hay ginakaeakipan it 66 nga presenteng una sa facility quarantine ag napueo ro admitted.
Samtang, nagapabilin sa 23 ro mga namatay bangud sa nasambit nga masakit.
