KALIBO, Aklan—Kapin sa 55 ro panibag-ong kaso it covid-19 sa bilog nga probinsya it Aklan.
Base sa ulihing datos nga ginpaguwa it Aklan Provincial Surveillance Unit it Provincial Health Office, raya hay ginakaeakipan it 28 maghalin sa Kalibo; tig-tatlo sa New Washington ag Banga; 15 sa Nabas; daywa sa Malay ag tig-sambilog maghalin sa banwa it Buruanga, Ibajay, Libacao ag Numancia.
Bangud kara, humampak pa sa 1,788 ro kabilugang kaso it deadly virus sa Aklan.
Sa pihak kara, nagtaas man sa 1,509 ro kabilugang numero it nakarekober halin sa deadly virus.
Raya hay ro 19 nga panibag-ong nagmayad matapos nga nagpaidaeom sa pagbueong ag quarantine nga ginakaeakipan it 15 maghalin sa banwa it Malay; tatlo sa Numancia ag sambilog sa Ibajay.
Sa makaron, nadugangan pa ro aktibong kaso it makataeapon nga sakit nga nagaabot eon sa 238 nga ginakaeakipan it 178 nga una sa facility quarantined; 39 nga naka-home quarantined ag 21 ro admitted nakataeana nga covid-19 hospital.
Samtang, nadugangan it sambilog ro namatay nga taga banwa it Kalibo, sangka 83-anyos nga lola rason nga 41 eon ro total deaths it deadly virus sa Aklan halin kat nag-eopok ro nasambit nga pandemya.
