KALIBO, Aklan—Kapin sa 111 ro panibag-ong kaso it deadly virus sa bilog nga probinsya it Aklan ro nailista it Provincial Epidemiology Surveillance Unit it Provincial Health Office sa sueod eamang it sang adlaw.
Sa pinakaulihing datos, raya hay ginakaeakipan it 24 maghalin sa banwa it Banga; 13 sa Ibajay; 12 sa Lezo; 11 sa Kalibo; napueo sa Malay; waeo sa New Washington; tig an-om maghalin sa munisipalidad it Nabas ag Numancia; tig lima man halin sa banwa it Altavas ag Batan; ap-at sa Makato; tatlo sa Buruanga ag tig-daywa maghalin sa banwa it Balete ag Tangalan.
Bangud kara, nagsaka pa sa kabilugang 4,963 ro kaso it covid-19 sa Aklan.
Sa pihak kara, kapin man sa 63 ro nagmayad matapos nga nagpaidaeom sa pagbueong ag quarantine protocols rason nga nagaabot eon man sa kabilugang 4,028 ro total recoveries.
Sa makaron hay 823 pa ro aktibong kaso it nasambitang sakit nga ginakaeakipan it 707 nga una sa facility quarantine; 43 nga naka-home quarantine ag 73 nga admitted.
Samtang, 112 eon ro kabilugang binawian it hueam nga kinabuhi halin kat nag-eopok ro pandemya ko nagtaliwan nga 2019.
Sa pihak nga parte, sa 335 nga samples nga gintest, kapin sa 32.5% ro nailistang positivity rate sa bilog nga probinsya it Aklan.
