KALIBO, Aklan—Nakalista it waeong panibag-ong kaso it natamaan it covid-19 ro probinsya it Aklan.
Raya hay base sa pinakaulihing datos nga ginpaguwa it Provincial Epidemiology Surveillance Unit it Aklan Provincial Health Office.
Sa nasambit nga numero, lima kara ro halin sa banwa it Kalibo; sambilog ro taga-Banga; ag daywa sa Nabas.
Bangud kara, nagsaka eon sa 602 ro kabilugang kaso it deadly virus sa Aklan.
Samtang, nadugangan man it tatlo ro nagmayad halin sa nasambit nga sakit nga puro taga-Kalibo rason nga nagaabot eon makaron sa 517 ro numero it total recoveries.
Sa makaron hay may 65 pang aktibong kaso it covid-19 nga ginakaeakipan it 63 nga presenteng una sa facility quarantine ag daywa ro naka-admit.
Samtang, nagapabilin sa 20 ro mga namatay bangud sa deadly virus.
