-- ADVERTISEMENT --
KALIBO, Aklan—Nagsaka pa sa 2,502 ro kabilugang kaso it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa datus nga ginpagguwa it Provincial Health Office (PHO)-Aklan, raya hay matapos nga madugangan it 48 ro bag-ong nagpositibo sa deadly virus.
Sa pihak kara, nakalista man it 35 nga bag-ong nagmayad rason nga sumaka eon sa 2,101 ro total recoveries.
Sa makaron, 344 pa ro nabilin nga aktibong kaso nga ginakaeakipan it 268 nga naka-facility quarantined, 47 nga admitted sa Aklan Provincial Hospital ag 29 nga naka-home quarantined.
Samtang, nagapabilin man sa 57 ro numero it mga namatay matapos nga dapuan it COVID-19 infection.
-- ADVERTISEMENT --
