Kalibo Aklan ———-May kabilugan eun nga 2009 ka mga kaso it coronavirus disease (COVID-19) sa probinsya it Aklan.
Raya hay matapos nga makalista it 8 ka mga panibag-ong kaso it nasambitan nga sakit kahapon nga adlaw, Mayo 17.
Sa nasambitan nga numero kapin sa 349 ro aktibong kaso kung sa siin 220 kara ro naka-facility quarantine samtang 93 ro naka-home quarantine ag 27 ro admitted.
Samtang nadugangan man it 13 ro panibag-ong mga naka-recover.
Bangud kara, nag-abot eun sa 1607 ro total recoveries sa bilog nga probinsya.
Samtang nadugangan man it daywa pa ro mga namatay rason agud nga humampak sa 44 ro total fatalities.
Suno kay Dr. Cornelio Cuatchon Jr. it Provincial Health Office (PHO-Aklan) nga ro daywang ka mga pasyenteng namatay bangud sa COVID-19 hay ro local case # 2002 nga sangka 53 anyos nga babaye maghalin sa banwa it Banga ag na-admit sa ospital ko Mayo 15 matapos nga magpositibo sa COVID-19.
Nasayuran nga namatay raya bangud sa acute respiratory failure secondary to severe acute respiratory infection secondary to COVID-19 confirmed ag pneumonia.
Samtang ro sambilog nga iba pa hay sangka 68 anyos nga babaye maghalin sa banwa it Makato nga namatay ko mayo 16.
