Kalibo Aklan ——–Sumaka pa sa 6,893 ro kabilugan nga tinamaan it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa datus nga ginpagguwa it Provincial Health Office (PHO)-Aklan, nakalista sanda it kapin sa 157 nga mga bag-ong kaso it sakit.
Sa nasambit nga numero, 29 ro maghalin sa banwa it Banga, 28 sa Malinao, 19 sa Kalibo, 15 sa Nabas, tig-14 nga kaso sa New Washington ag Numancia, napueo sa Madalag, waeo sa Libacao, pito sa Malay, tig lima halin sa Batan ag Makato, daywa sa Balete ag sambilog sa Altavas.
Sa pihak kara, 109 man ro nadugang sa numero it mga bag-ong nagmayad rason nga humampak eon sa 5,424 ro total recoveries.
Samtang, lima man ro nadugang sa numero it mga namatay rason nga nag-abot eon sa 145 ro COVID-19 related deaths it probinsya.
Sa makaron, 1,324 pa ro nabilin nga aktibong kaso nga ginakaeakipan it 1061 nga naka-facility quarantine, 154 nga naka-home quarantine ag 109 nga admitted sa ospital.
