KALIBO, Aklan—Lumobo pa sa 4,223 ro kabilugan nga kaso it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa pinakaulihing datus it Aklan Provincial Epidemiology Surveillance Unit it Provincial Health Office, nakalista sanda it 97 nga bag-ong nagpositib sa deadly virus.
Sa nasambit nga numero, 28 ro halin sa banwa it Nabas, 15 sa Tangalan, 14 sa Ibajay, 12 sa Banga, 9 sa Kalibo, 7 sa Makato, tig limang kaso sa Malay ag Malinao samtang tig sambilog sa Buruanga ag Libacao.
Sa pihak kara, 109 man ro dugang nga nagmayad rason nga sumaka eon sa 3,224 ro total recoviries.
Samtang, sambilog man ro nadugang sa numero it mga namatay rason nga nag-abot eon sa 97 ro total deaths matapos nga dapuan it COVID-19 infection.
Sa makaron, 902 pa ro nabilin nga aktibong kaso nga ginakaeakipan it 784 nga naka-Facility Quarantine, 55 nga naka-Home Quarantine ag 63 nga admitted sa COVID ward it Aklan Provincial Hospital.
