-- ADVERTISEMENT --
KALIBO, Aklan—Nag-abot eon sa 1,379 ro kabilugan nga kaso it COVID-19 nga nailista sa probinsiya it Aklan umpisa nga magtuhaw ro pandemya sa nasyon.
Raya hay matapos nga makalista it 12 nga panibag-ong kumpirmadong kaso it coronavirus disease 2019 ro Provincial Health Office (PHO) makaron nga adlaw, Abril 15, 2021.
Suno sa PHO, 10 sa bag-ong kaso hay naghalin sa banwa it Malay samtang tig sambilog sa banwa it Ibajay ag Kalibo.
-- ADVERTISEMENT --
Sa makaron, 152 ro aktibong kaso it COVID-19 sa probinsiya kun sa siin 127 ro naka facility quarantined, 16 ro admitted ag 9 ro naka home quarantined.
Nagapabilin man sa 35 ro numero it mga namatay.
