KALIBO, Aklan—Nagsaka pa sa kabilugang 1,092 ro kaso it coronavirus disease ukon Covid-19 sa bilog nga probinsya it Aklan.
Raya hay bangud sa ap-at nga panibag-ong kaso nga nagdugang kahapon nga adlaw it Miyerkules.
Base sa pinakaulihing datos nga ginpaguwa it Aklan Provincial Surveillance Unit it Provincial Health Office, ro ap-at nga panibag-ong covid-19 patient hay tig-daywa maghalin sa banwa it Malay ag Madalag.
Sa pihak kara, nadugangan man it tatlong ka mga indibidwal ro nagmayad halin sa nasambit nga masakit nga ginakaeakipan it puro taga-Kalibo rason nga nagsaka man sa 962 ro kabilugang numero it total recoveries.
Sa makaron, 97 pa ro aktibong kaso it nasambit nga masakit sa probinsya nga ginakaeakipan it 84 nga una sa facility quarantined ag 13 ro admitted.
Samtang, nagapabilin sa 33 ro numero it mga namatay bangud sa deadly virus.
