KALIBO, Aklan—Lomobo pa sa kabilugang 3,311 ro kaso it covid-19 sa bilog nga probinsya it Aklan.Raya hay bangud sa 59 eon man nga panibag-ong kaso nga nailista it Aklan Provincial Epidemiology Surveillance Unit it Provincial Health Office.
Ro nasambit nga numero hay ginakaeakipan it 13 maghalin sa Kalibo; lima sa Tangalan; tig-daywa maghalin sa banwa it Batan, New Washington ag Buruanga; 11 sa Lezo; tig ap-at maghalin sa banwa it Malay, Numancia ag Makato; waeo sa Malinao; tatlo sa Nabas; ag sambilog sa Banga.Sa pihak kara, nagaabot man sa 30 ro mga nailistang nagmayad kahapon nga adlaw nga ginakaeakipan it 9 sa New Washington; 12 sa Kalibo; tatlo sa Batan; tig-daywa sa Banga ag Numancia; ag tig-sambilog maghalin sa banwa it Ibajay ag Libacao.
Bangud kara, nagsaka man sa kabilugang 2,442 ro mga nagmayad matapos nga nagpaidaeom sa pagbueong.
Sa makaron hay humampak pa sa kabilugang 793 ro aktibong kaso it deadly virus sa Aklan kon sa siin ginakaeakipan raya it 710 nga presenteng una sa facility quarantined, 32 nga naka-home quarantined ag 51 ro admitted.
Samtang, nadugangan man it sambilog ro binawian it kabuhi rason nga nagsaka man sa 76 ro death toll bangud sa covid-19 sa bilog nga probinsya it Aklan.
