KALIBO, Aklan—Nagsaka pa sa kabilugang 5,393 ro nailistang kaso it Covid-19 sa bilog nga probinsya it Aklan.
Raya hay bangud sa 71 nga panibag-ong nagpositibo sa deadly virus.
Sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office, raya hay ginakaeakipan it tig-daywa maghalin sa banwa it Altavas ag Madalag; 16 sa Banga; tatlo sa Batan; napueo sa Ibajay; onse sa Kalibo; 14 sa Malay; tig-lima maghalin sa munisipalidad it New Washington ag Tangalan kamana man tig-sambilog maghalin sa banwa it Malinao, Nabas ag Numancia.
Sa pihak kara, nakalista man ro ahensya it kapin sa 111 nga panibag-ong nagmayad sa nasambit nga masakit rason nga nagaabot eon man makaron sa kabilugang 4,422 ro total recoveries.
Sa makaron hay kapin pa sa 850 ro aktibong kaso it deadly virus sa probinsya nga ginakaeakipan it 703 nga presenteng una sa Facility Quarantine, 78 nga naka-Home Quarantine ag 69 ro Admitted.
Samtang, nagaabot eon man sa 121 ro numero it mga binawian it hueam nga kinabuhi bangud sa an-om nga panibag-ong namatay bangud sa nasambit nga deadly virus.
