-- ADVERTISEMENT --
KALIBO, Aklan—Nagsaka pa sa kabilugan nga 1,086 ro kaso it Coronavirus Disease 2019 ukon COVID-19 sa probinsya it Aklan.
Base sa pinakaulihing datus it Provincial Epidemiology and Surveillance Unit (PESU) ko Lunes, Marso 22, ginasugid nga daywa ro kaso nga nadugang sa listahan it mga COVID-19 positive.
Ro mga bag-ong pasyente hay maghalin sa banwa it Tangalan ag parehong nakaangkon it exporsure sa confirmed case.
-- ADVERTISEMENT --
May una man nga daywa nga pasyente ro nadugang sa mga nagmayad rason nga naga-abot eon sa 954 ro total recoveries samtang 99 pa ro padayun nga nakikipagsukoe sa COVID-19 infection.
Kabilugan nga 33 eon ro namatay sa nasambit nga deadly virus.
