KALIBO, Aklan—Kapin sa onse eon lang ro nailistang kaso it covid-19 sa bilog nga probinsya it Aklan, kahapon adlaw it Lunes.
Raya hay halin sa 59 nga swab samples nga gintest sa laboratoryo it Aklan provincial hospital.
Sa nasambit nga numero, tig-sambilog ro maghalin sa banwa it Banga ag Tangalan; tig-tatlo man sa munisipalidad it Ibajay, Kalibo ag Malay.
Bangud kara, nagaabot eon sa kabilugang 12,350 ro nailistang kaso it Aklan Provincial Epidemiology Surveillance Unit it Provincial Health Office kon sa siin 11,767 eon man ro nakarekober kara matapos nga madugangan it 43 kahapon nga adlaw.
Sa makaron hay 271 eon lang ro mga aktibong kaso it deadly virus nga ginakaeakipan it 186 nga una Facility Quarantine, 53 ro naka-Home Quarantine, ag 32 ro Admitted.
Samtang nagapabilin man sa 312 ro mga binawian it hueam nga kinabuhi bangud sa nasambit nga pandemya.
