KALIBO, Aklan—Kasunod it pagtumod sa Aklan bilang high risk areas sa COVID-19, padayun man ro pagtaas it mga nailitang kaso kada adlaw.
Makaron nga adlaw, nakalista ro Provincial Health Office (PHO)-Aklan it kapin sa 126 nga mga bag-ong nagpositibo rason nga humampak eon sa 6,281 ro kabilugan nga kaso it sakit.
Sa nasambit nga numero, 32 ro maghalin sa banwa it Ibajay, 22 sa Kalibo, 19 sa Makato, 17 sa Malay, 14 sa Madalag, an-om sa Lezo, ap-at sa Altavas, tatlo Batan ag Numancia, daywa sa Nabas ag tig sambilog nga bag-ong kaso sa Banga, Buruanga, New Washington ag Tangalan.
Sa pihak kara, nakalista man 87 nga panibag-ong nagmayad rason nga sumaka eon sa 4,971 ro total recoveries.
Samtang, may tatlo man nga nadugang sa numero it mga namatay rason nga nag-abot eon sa 136 ro COVID-19 related deaths sa probinsya.
Sa makaron, 1,174 pa ro nabilin nga aktibong kaso nga ginakaeakipan it 973 nga naka-facility quarantine, 108 nga naka-home quarantine ag 93 nga admitted sa COVID ward it Aklan Provincial Hospital.
