KALIBO, Aklan—Sumaka pa sa 4,531 ro kabilugan nga numero it mga tinamaan it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa pinakaulihing datus nga ginpagguwa it Provincial Health Office, raya hay matapos nga makalista it 114 nga bag-ong nagpositibo sa deadly virus.
Sa nasambit nga numero, 69 ro halin sa banwa it Kalibo, siyam sa New Washington, tig waeong kaso sa Ibajay, Makato ag Malay, ap-at sa Tangalan, tatlo sa Numancia, daywa sa Buruanga ag tig sambilog sa banwa it Altavas, Batan ag Nabas.
Sa pihak kara, 114 man ro nadugang sa mga nagmayad rason nga humampak eon sa 3,681 ro total recoveries matapos ro pagbueong ag quarantine procedure.
Samtang, daywa man ro nadugang sa listahan it mga namatay rason nga nag-abot eon sa 106 ro COVID-19 related deaths.
Sa makaron, 744 pa ro nabilin nga aktibong kaso nga ginakaeakipan it 663 nga naka-facility quarantine, 13 nga naka-home quarantine ag 68 nga admitted sa COVID ward it Aklan Provincial Hospital.
