KALIBO, Aklan—Sumaka pa sa 5,639 ro kabilugan nga kaso it Coronavirus Disease 2019 ukon COVID-19 sa probinsya it Aklan umpisa nga magtuhaw ro pandemya.
Base sa datus nga ginpagguwa it Provincial Health Office, 96 ro nadugang sa listahan it mga bag-ong nagpositibo sa sakit.
Sa nasambit nga numero, 16 nga kaso ro maghalin banwa it Kalibo, 15 sa New Washington, siyam sa Balete ag Banga, tig waeong kaso sa Ibajay ag Numancia, pito sa Lezo, an-om sa Malinao, ap-at sa Madalag, ag Nabas, tig tatlo sa Altavas ag Malay samtang tig sambilog sa Batan ag Makato.
Sa pihak kara, 41 man ro nadugang sa numero it mga nagmayad rason nga humampak eon sa 4,550 ro total recoveries.
Samtang, sambilog man ro nailistang bag-ong namatay rason nga nag-abot eon sa 124 ro death toll it probinsya matapos nga dapuan it COVID-19.
Sa makaron, 965 pa ro nabilin nga aktibong nga ginakaeakipan it 812 nga naka-facility quarantine, 78 nga naka-home quarantine ag 75 nga admitted sa COVID ward it Aklan Provincial Hospital.
