KALIBO, Aklan—Uman nga nadugangan it an-om nga panibag-ong kaso it Coronavirus Disease 2019 ukon COVID-19 ro probinsya it Aklan.
Bangud kara, humampak eon sa 491 ro kabilugan nga kaso it makataeapon nga sakit sa probinsya.
Samtang, nakalista man it pito nga mga nagmayad rason nga nagsaka eon sa 406 ro total recoveries.
Sa makaron hay 68 pa ro aktibong kaso kung siin 61 kara ro naka-facility quarantined ag pito ro admitted sa Aklan Provincial Hospital.
Samtang, 17 eon ro namatay.
Kaangot kara, padayun sa gihapon ro apela it health authorities nga padayun nga sundon ro minimum health protocols agud malikawan ro mas pang pagkalhit it virus.
Nasayuran nga tatlong variant it Coronavirus eon ro ginabantayan makaron it Pilipinas, suno sa Department of Health (DOH).
