-- ADVERTISEMENT --
KALIBO, Aklan—Sumaka pa sa kabilugan nga 13,336 ro kaso it Coronavirus Disease 2019 ukon COVID-19 sa probinsyal it Aklan umpisa nga magtuhaw ro pandemya.
Raya hay matapos nga makalista ro Provincial Health Office (PHO)-Aklan it kapin sa 108 nga bag-ong nagpositibo halin sa 183 nga swab samples nga ginpatigayun ko Enero 14.
Sa pihak kara, 51 man ro nailistang bag-ong nagmayad rason nga humampak eon sa 12,398 ro total recoveries matapos ro pagbueong ag quarantine procedure.
-- ADVERTISEMENT --
Sa makaron, 612 pa ro nabilin nga aktibong kaso nga ginakaeakipan it 488 nga naka-facility quarantined, 80 nga naka-home quarantined ag 44 nga admitted sa ospital.
Samtang, 326 man ro binawian it kabuhi matapos dapuan it COVID-19 infection.
