KALIBO, Aklan—Naga-abot eon sa 329 ro kumpirmadong kaso it coronavirus disease 2019 sa banwa it Malay ag isla it Boracay matapos nga may sambilog nga kaso nga nadugang sa listahan it Malay Inter-Agency Task Force.
Sambilog ro nagpositibo sa ginpatigayon nga RT-PCR test.
Sa makaron hay may 49 nga aktibong kaso ro banwa nga puro tanan nakapaidaeum sa strict quarantine.
Samtang, ap-at ro nadugang sa listahan it mga nagmayad sa deadly virus rason nga nag-abot eon ro total recoveries sa 278 ag nagapabilin nga daywa ro namatay.
Samtang, nakapaidaeum pa sa surgical lockdown ro zone 5 it barangay Manocmanoc nga nag-umpisa ko Mayo 1 ag ginaeauman nga magatapos sa Mayo 14.
Raya eon ro ikaywang beses nga may ginpatuman nga lockdown sa nasambit nga barangay bangud sa nagatinaas nga kaso it deadly virus .
Ro nasambit nga barangay hay may 28 nga kaso, samtang ro Balabag hay nakalista it 4 ag ro Yapak hay may una nga 3.
