KALIBO, Aklan—Ginkalipay it alkalde it Nabas ro amat-amat nga pagnaba it kabilugan nga kaso it COVID-19 sa anang banwa ag sa bilog nga probinsiya it Aklan.
Suno kay Mayor James Solanoy nga sa makaron hay may sambilog eon lang sanda nga kaso apang may mga ginahueat pa nga resulta it RT-PCR test.
Mag-eowas kara, ro pamilya suno kana it nagpositibo sa antigen test matapos nga magpa-check-up sa banwa it Kalibo hay gin lockdown eon sa andang baeay ag ro pasyente hay ginbutang sa andang local covid center.
Sa pihak kara, padayun nana nga ginapadumdum sa publiko nga indi anay maging kampante ag magsunod gihapon sa minimum public health standards.
Gindugang pa kara nga nakikita eon ro resulta it ginpatuman nga moderate enhanced community quarantine (MECQ) sa Aklan ag ro mga restriction sa ginpaguwa nga executive order ni Aklan Governor Florencio Miraflores umpisa ko Agosto 1 nga ginpaeawig hasta sa Agosto 31.
