KALIBO, Aklan—Humampak eon sa kabilugang 11, 328 ro kaso it covid-19 sa bilog nga probinsya it Aklan.
Raya hay matapos nga kapin sa 90 eon man ro nadugang sa numero it mga nailistang kaso sa probinsya halin kat nag-eopok ro pandemya.
Ro nasambit nga mga kaso hay tig-daywa maghalin sa banwa it Altavas ag Ibajay; an-om sa Balete; 12 sa Banga; tig-tatlo maghalin sa munisipalidad it Batan, New Washington, Lezo ag Makato; tig-sambilog sa Buruanga ag Malinao; 29 sa Kalibo; siyam sa Malay ag tig-waeo sa Numancia ag Tangalan.
Sa pihak kara, nadugangan man it 57 ro mga nagmayad halin sa nasambit nga deadly virus rason nga ro total recoveries hay nagaabot eon man sa kabilugang 9,970.
Sa makaron, may 1,082 pang aktibong kaso it masakit nga ginakaeakipan it 601 nga presenteng una sa facility quarantine; 353 ro naka-home quarantine ag 128 ro admitted.
Samtang, nadugangan man it daywa ro namatay rason nga nagtaas man sa 276 ro kabilugang numero it mga binawian it hueam nga kinabuhi bangud sa covid-19 sa bilog nga probinsya it Aklan.
